ചർച്ചയെ കുറിച്ചുള്ള ചർച്ചയ്ക്ക് പിന്നിൽ ന്യൂസ് ചാനലുകളിലെ ബ്രെയ്ക്കിംഗ് ന്യൂസുകളും പ്രൈം ടൈം ചർച്ചകളും ഇടയ്ക്കിടെ ചൂടേറിയ ചർച്ചാവിഷയമാകാറുണ്ട് കേരളത്തിൽ. ചാനൽ ചർച്ചകൾ പക്ഷപാതപരമാണെന്ന് ഒരു വിഭാഗം വിമർശകർ ആരോപിക്കുന്നു. എന്നാൽ ശരിയുടെ പക്ഷത്താണ് തങ്ങളെന്ന് മാധ്യമപ്രവർത്തകർ വ്യക്തമാക്കുന്നു. ചർച്ചകൾ ആരോഗ്യകരമാകണമെന്ന് നിരീക്ഷകർ. ജനാധിപത്യ സംവിധാനത്തിൽ ചർച്ചകൾ അനിവാര്യമാണെന്ന് അവതാരകർ. ടെലിവിഷൻ സംവാദങ്ങളുടെ പ്രസക്തിയെന്ത്? അവ ആവശ്യമോ അനാവശ്യമോ? എങ്ങനെയാകണം ചാനൽചർച്ചകൾ? വാർത്താവതാരകരും ചാനൽ പ്രതിനിധികളും പാനലിസ്റ്റുകളും നിലപാട് വ്യക്തമാക്കുന്നു.
